سری لنکا کے خلاف سیریز کھیلنے کے بعد پاکستان کرکٹ ٹیم لاہور پہنچ گئی

سری لنکا کے خلاف تین میچوں کی ٹی ٹوئنٹی سیریز کے بعد پاکستانی کرکٹ ٹیم لاہور پہنچ گئی۔ ہیڈ کوچ مائیک ہیسن سمیت دیگر غیر ملکی اسٹاف بھی نجی ائرلائن کے ذریعے ٹیم کے ساتھ وطن واپس آئے۔

سیریز کے پہلے میچ میں پاکستان نے دمبولا میں سری لنکا کو شکست دی، دوسرا میچ بارش کی نذر ہوا، جبکہ تیسرے میچ میں سری لنکا نے پاکستان کو 14 رنز سے شکست دے کر سیریز کو برابر کر دیا۔

دونوں ٹیموں کو مشترکہ طور پر ٹرافی دی گئی۔ اب پاکستانی ٹیم اگلے مرحلے میں سری لنکا میں ہونے والے ٹی ٹوئنٹی ورلڈ کپ کے لیے تیار ہو رہی ہے، اور ورلڈ کپ سکواڈ کا اعلان ایک سے دو روز میں متوقع ہے۔