ٹی 20 ورلڈ کپ: پی سی بی نے ابتدائی نام آئی سی سی کو بھجوا دیئے

پاکستان کرکٹ بورڈ (پی سی بی) نے بھارت اور سری لنکا میں ہونے والے ٹی 20 ورلڈ کپ کیلئے ابتدائی کھلاڑیوں کے نام انٹرنیشنل کرکٹ کونسل (آئی سی سی) کو ارسال کر دیے ہیں۔

ذرائع کے مطابق پی سی بی کو 31 جنوری تک آئی سی سی کی اجازت کے بغیر اسکواڈ میں رد و بدل کا اختیار حاصل ہوگا۔

ممکنہ اسکواڈ میں کپتان سلمان علی آغا، صاحبزادہ فرحان، صائم ایوب اور فخر زمان شامل ہیں، جبکہ شاداب خان، بابر اعظم، فہیم اشرف، محمد نواز، عثمان خان اور ابرار احمد کے نام بھی فہرست کا حصہ ہیں۔

فاسٹ بولنگ ڈیپارٹمنٹ میں شاہین شاہ آفریدی، نسیم شاہ، حارث رؤف، سلمان مرزا اور خواجہ نافع شامل کیے گئے ہیں، جبکہ عبدالصمد، وسیم جونیئر اور عثمان طارق کو ریزرو کھلاڑیوں میں رکھا جا سکتا ہے۔