نامور اداکارہ رباب ہاشم کے ہاں بیٹے کی پیدائش

کراچی: پاکستانی شوبز انڈسٹری کی معروف اداکارہ رباب ہاشم کے ہاں بیٹے کی پیدائش ہوئی ہے، جس کی خوشخبری انہوں نے سوشل میڈیا کے ذریعے اپنے مداحوں کو دی۔ فوٹو اور ویڈیو شیئرنگ ایپ انسٹاگرام پر رباب ہاشم نے اہلِ خانہ کے ہمراہ چند خوبصورت تصاویر شیئر کرتے ہوئے بتایا کہ انہوں نے اپنے بیٹے کا نام اورحان صہیب علی رکھا ہے۔

شیئر کی گئی تصاویر میں رباب ہاشم کی بیٹی مائیشا ننھے بھائی کو گود میں لیے مسکراتی ہوئی نظر آ رہی ہیں۔ اداکارہ نے پوسٹ کے کیپشن میں لکھا کہ ہم اپنے بیٹے کو اس دنیا میں خوش آمدید کہتے ہیں، اورحان اپنی بہن مائیشا کا چھوٹا سا بہترین دوست ہے۔ انہوں نے مداحوں سے اپنے نومولود بیٹے کے لیے دعاؤں کی درخواست بھی کی۔

رباب ہاشم کو بیٹے کی پیدائش پر شوبز شخصیات، ساتھی اداکاروں اور مداحوں کی جانب سے مبارکبادوں کا سلسلہ جاری ہے۔