سونا مزید مہنگا، فی تولہ قیمت میں 3400 روپے کا بڑا اضافہ

ملک میں سونے کی قیمتوں میں ایک بار پھر نمایاں اضافہ ریکارڈ کیا گیا ہے۔ فی تولہ سونے کی قیمت میں 3400 روپے اضافے کے بعد سونا 4 لاکھ 69 ہزار 562 روپے کی سطح پر پہنچ گیا ہے۔

اسی طرح 10 گرام سونے کی قیمت میں 2915 روپے اضافہ ہوا، جس کے بعد 10 گرام سونا 4 لاکھ 2 ہزار 573 روپے کا ہو گیا ہے۔

عالمی مارکیٹ میں بھی سونے کی قیمتوں میں تیزی دیکھی گئی، جہاں فی اونس سونا 34 ڈالر اضافے کے ساتھ 4472 ڈالر پر پہنچ گیا۔

دوسری جانب کراچی میں چاندی کی قیمت میں بھی اضافہ ہوا ہے، 70 روپے اضافے کے بعد چاندی کی فی تولہ قیمت 8195 روپے ہو گئی ہے۔

ماہرین کے مطابق عالمی مارکیٹ میں غیر یقینی صورتحال اور سرمایہ کاروں کا محفوظ سرمایہ کاری کی جانب رجحان سونے کی قیمتوں میں اضافے کی بڑی وجہ ہے۔