عثمان پیرزادہ کی سوانح عمری اور بائیوپک سنسر ہونے کا خدشہ
Web Desk
19 August 2026
پاکستان کے نامور اداکار، ہدایت کار اور تھیٹر کے معروف فنکار عثمان پیرزادہ نے اپنی زیرِ تحریر سوانح عمری اور زندگی پر بننے والی ممکنہ بائیوپک کے حوالے سے اہم اور دلچسپ انکشافات کیے ہیں۔
حال ہی میں ایک نجی شو میں شرکت کے دوران جب ان سے سوال کیا گیا کہ اگر ان کی زندگی پر فلم بنائی جائے تو اس کا عنوان کیا ہوگا؟ عثمان پیرزادہ نے مسکراتے ہوئے جواب دیا کہ اگر ان کی بائیوپک بنی تو وہ سب سے پہلے سنسر بورڈ کی زد میں آ کر سنسر ہو جائے گی۔
اپنی سوانح عمری کی پیشرفت سے متعلق بات کرتے ہوئے سینئر اداکار نے بتایا کہ وہ اس وقت کتاب لکھنے کے مرحلے میں مصروف ہیں۔ انہوں نے اعتراف کیا کہ کتاب لکھتے ہوئے وہ اس الجھن کا شکار رہتے ہیں کہ کن واقعات کو شامل کیا جائے اور کسے حذف کیا جائے۔ تاہم، ان کا پختہ ماننا ہے کہ چونکہ یہ ایک سوانح عمری ہے، اس لیے اس میں مکمل سچ ہونا چاہیے، ورنہ سچے اور اہم واقعات نہ لکھنے کی صورت میں قارئین کے ساتھ ناانصافی ہوگی۔
عثمان پیرزادہ کا کہنا تھا کہ آج کل کی نئی نسل (Gen Z) میں مطالعے کا رجحان کم ہو چکا ہے اور لوگ کتابوں سے دور ہو کر کمپیوٹرز اور جدید آلات میں مصروف ہو گئے ہیں، لیکن ان کے بچوں کی خواہش ہے کہ وہ اپنے مداحوں اور آنے والی نسلوں کے لیے یہ کتاب ضرور مکمل کریں۔ انہوں نے کہا کہ ان کی یہ سوانح عمری ایک طویل عرصے اور کئی اہم تاریخی واقعات پر محیط ہوگی۔ ان کے بقول، ان کے زمانے کا پاکستان آج کے پاکستان سے بالکل مختلف، انتہائی متحرک، جدید اور رنگا رنگ تھا، اسی لیے یہ کتاب نئی نسل کے لیے ایک اہم دستاویز ثابت ہوگی۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026