ربیقہ خان کی پری برتھ ڈے پارٹی، اب کتنے سال کی ہو گئیں؟

معروف پاکستانی سوشل میڈیا انفلوئنسر ربیقہ خان اپنی 22ویں سالگرہ سے قبل منعقد کی گئی ایک سرپرائز پری برتھ ڈے پارٹی کے بعد انٹرنیٹ صارفین کی تنقید اور دلچسپ تبصروں کی زد میں آ گئی ہیں۔

ربیقہ خان کے اہل خانہ کی جانب سے ان کی سالگرہ کے حوالے سے ایک خوبصورت سرپرائز پارٹی کا اہتمام کیا گیا تھا، جس کی تصاویر اور ویڈیوز سامنے آنے کے بعد وہ لائم گرین رنگ کے لباس میں کیک کاٹتی اور اپنی فیملی کے ساتھ خوشگوار لمحات گزارتی دکھائی دیں۔ تاہم، جیسے ہی یہ تصاویر سوشل میڈیا پر وائرل ہوئیں، صارفین کی توجہ ان کی بتائی گئی عمر پر مرکوز ہو گئی اور کمنٹس میں دلچسپ تبصروں کا ایک طویل سلسلہ شروع ہو گیا۔

بہت سے صارفین نے ان کی عمر کے دعوے پر حیرت کا اظہار کرتے ہوئے طنزیہ تبصرے کیے۔ ایک صارف نے طنزاً لکھا کہ ’’یہ سب کچھ کریں گی لیکن اپنی عمر نہیں بڑھائیں گی‘‘، جبکہ ایک اور صارف نے مزاحیہ انداز میں تبصرہ کرتے ہوئے کہا، ’’اگر یہ 22 سال کی ہیں تو میں ابھی پیدا ہی نہیں ہوا۔‘‘ واضح رہے کہ ربیقہ خان اپنی اصل تاریخِ پیدائش کے مطابق اس سال 22 برس کی ہو جائیں گی، لیکن سوشل میڈیا صارفین کی جانب سے ان کی عمر کے حوالے سے شروع ہونے والی بحث تاحال موضوعِ بحث بنی ہوئی ہے۔