دانش تیمور کی جذباتی منظر میں اداکاری پر مداحوں کا طنز، ویڈیو وائرل

معروف اداکار دانش تیمور اپنے نئے ڈراما سیریل ‘نشتر’ کی ایک قسط کے جذباتی منظر میں کی جانے والی اداکاری کے باعث سوشل میڈیا پر صارفین اور ناظرین کی سخت تنقید کی زد میں آ گئے ہیں۔ ڈرامے کے حالیہ قسط میں دانش تیمور کے کردار ‘شاہ داؤد’ کو ان کے والد ‘دستور علی خان’ کی مفاجاتی موت کی اطلاع ملتی ہے، جس پر انہیں شدید صدمے، چیخ و پکار اور غم کی حالت میں دکھایا گیا ہے۔ تاہم، ناظرین نے اس اداکاری کو انتہائی غیر فطری اور بناوٹی قرار دیتے ہوئے تنقید کا نشانہ بنایا ہے۔

سوشل میڈیا پر صارفین نے ردعمل دیتے ہوئے کہا کہ اتنے سنجیدہ اور رقت آمیز منظر کو چیخ و پکار کے بغیر سادگی کے ساتھ بھی ادا کیا جا سکتا تھا۔ کئی صارفین کا کہنا تھا کہ اداکاری میں تاثرات اتنے غیر حقیقی تھے کہ غمگین منظر دیکھ کر بھی ہنسی آ گئی۔ اس کے علاوہ، متعدد مداحوں نے ڈرامے کے دوران دانش تیمور کے چہرے کے سخت اور کھچے ہوئے تاثرات کا جائزہ لیتے ہوئے یہ قیاس آرائیاں بھی شروع کر دی ہیں کہ انہوں نے حال ہی میں ممکنہ طور پر بوٹوکس یا دیگر کاسمیٹک سرجری کروائی ہے، جس کی وجہ سے ان کے قدرتی چہرے کے تاثرات متاثر دکھائی دے رہے ہیں۔