بالی وڈ کے سینئر اداکار مشتاق خان انتقال کرگئے

بالی وڈ کے معروف اور سینئر اداکار مشتاق خان 56 سال کی عمر میں انتقال کر گئے۔ بھارتی میڈیا کے مطابق وہ جگر کے کینسر میں مبتلا تھے اور طبیعت بگڑنے پر دو ہفتے قبل انہیں ممبئی کے ایک نجی اسپتال میں داخل کرایا گیا تھا، جہاں وہ جانبر نہ ہو سکے۔ مشتاق خان کے انتقال پر بالی وڈ انڈسٹری کی متعدد معروف شخصیات اور مداحوں نے گہرے دکھ اور افسوس کا اظہار کیا ہے۔

مشتاق خان نے اپنے فنکارانہ کرئیر کا آغاز 1980 میں فلم ‘البرٹ پنٹو کو غصہ کیوں آتا ہے؟’ سے کیا تھا اور دہائیوں پر محیط کرئیر میں بالی وڈ کی سپر ہٹ فلموں جیسے ‘ویلکم’، ‘عاشقی’، ‘ہم ہیں راہی پیار کے’، ‘مجھ سے شادی کروگی’، ‘ہیرا پھیری’ اور ‘جوڑی نمبر ون’ میں اپنی جاندار اور مزاحیہ اداکاری سے بے پناہ شہرت حاصل کی۔ مرحوم کے بیٹے کے مطابق وہ بیمار ہونے سے قبل سلمان خان کے باڈی گارڈ شیرا کے بیٹے کی ڈیبیو فلم کی شوٹنگ میں مصروف تھے کہ اچانک ان کی صحت بگڑ گئی۔