ابھی ایران کو زیادہ تکلیف نہیں پہنچی، بڑی فوجی کارروائیاں دوبارہ شروع کرنے پر غور کر رہے ہیں: ٹرمپ کی دھمکی

امریکی ایوانِ نمائندگان کی جانب سے ایران میں ممکنہ جنگی اقدامات سے گریز کرنے کے اشاروں اور مخالفت کے باوجود صدر ڈونلڈ ٹرمپ نے ایران کے خلاف ایک اور بڑے فوجی آپریشن کی کھلی دھمکی دے دی ہے۔

امریکی خبر رساں ادارے ‘ایکزیوس’ سے گفتگو کرتے ہوئے صدر ٹرمپ نے کہا کہ ان کے خیال میں اب تک ایران کو کچھ زیادہ بڑا نقصان یا “تکلیف” نہیں پہنچی ہے۔ انہوں نے انکشاف کیا کہ وہ ایران کے اندر مزید بڑی عسکری کارروائیوں کا سلسلہ دوبارہ شروع کرنے پر سنجیدگی سے غور کر رہے ہیں۔ صدر ٹرمپ کا کہنا تھا کہ آگے کی جانے والی نئی کارروائیاں “آپریشن ایپک فیوری” (Operation Epic Fury) سے بھی کہیں زیادہ شدید اور بڑی ہو سکتی ہیں۔

تاہم، نئے اور انتہائی سخت حملوں کا انتباہ دیتے ہوئے امریکی صدر نے یہ واضح بھی کیا کہ فی الحال انہوں نے ان آئندہ اور بڑے حملوں کا کوئی باضابطہ حتمی فیصلہ نہیں کیا ہے، لیکن تمام آپشنز زیرِ غور ہیں۔