تجارتی جہازوں کے نقصان کا ازالہ ایران کے منجمداثاثوں سے کیا جائے گیا، نقصانات ایرانی رقم سے پورے کیے جائیں گے: ٹرمپ

امریکی صدر ڈونلڈ ٹرمپ نے ایک بڑا اعلان کرتے ہوئے کہا ہے کہ جاری کشیدگی میں تجارتی جہازوں کو پہنچنے والے کسی بھی نقصان کی ادائیگی اب امریکہ کے زیرِ قبضہ اور کنٹرول میں موجود ایران کے منجمد اثاثوں سے کی جائے گی۔ انہوں نے واضح کیا کہ جہازوں، ان کے سامان (کارگو) یا ان سے متعلق کسی بھی قسم کے معاشی و مالی نقصان کا ازالہ ایرانی رقم سے ہی پورا کیا جائے گا۔

امریکی صدر نے اپنے سوشل میڈیا پلیٹ فارم ‘ٹروتھ سوشل’ پر جاری کردہ ایک بیان میں کہا کہ آج سے اس پالیسی کا اطلاق ہو چکا ہے۔ ڈونلڈ ٹرمپ کا کہنا تھا کہ اگرچہ یہ نقصانات اور دعوے بہت زیادہ رقم کے بھی ہو سکتے ہیں، لیکن ان کا پختہ ماننا ہے کہ یہی سب سے منصفانہ اور عادلانہ اقدام ہے۔ انہوں نے اپنے مخصوص انداز میں اس فیصلے کے ساتھ تمام متعلقہ فریقین کا شکریہ بھی ادا کیا۔