کاکروچ جنتا پارٹی کا احتجاج رنگ لانے لگا، مودی سرکار طلبہ کے آگے گھٹنے ٹیکنے پر مجبور

بھارت میں تعلیمی نظام کی بے ضابطگیوں اور پیپر لیکس کے خلاف “کاکروچ جنتا پارٹی” کی جانب سے جاری شدید احتجاج کے بعد مودی حکومت بیک فٹ پر آ گئی ہے اور طلبہ کے مطالبات کے آگے گھٹنے ٹیکنے شروع کر دیے ہیں۔ کشیدہ صورتحال اور بڑھتے ہوئے عوامی دباؤ کے پیشِ نظر حکومت نے مرکزی سیکرٹری ایجوکیشن کو عہدے سے برطرف کر دیا ہے۔ بھارتی پولیس کی جانب سے بدترین تشدد اور بربریت کے باوجود نوجوانوں کا احتجاج اور شفاف احتساب کا مطالبہ مسلسل زور پکڑتا جا رہا ہے۔

سوشل میڈیا پلیٹ فارم “ایکس” (ٹویٹر) پر وائرل ہونے والی ویڈیوز کے مطابق بھارت کی مختلف ریاستوں میں بھی نوجوان اور طلبہ مودی سرکار کی پالیسیوں کے خلاف سڑکوں پر نکل آئے ہیں۔ مظاہرین نے محض ایک عہدیدار کی برطرفی کو نا کافی قرار دیتے ہوئے وزیراعظم نریندر مودی، وزیر داخلہ امیت شاہ اور وزیر تعلیم دھرمندر پردھان کے فوری استعفوں کے مطالبے پر اصرار برقرار رکھا ہوا ہے۔