امریکا کی ایران پر جارحیت جاری، بندرعباس اور اہواز دھماکوں سے گونج اٹھے

ایران پر امریکہ کی جانب سے ملٹری جارحیت کا سلسلہ مسلسل جاری ہے، جس کے دوران قشم جزیرے کے قریب شدید دھماکوں کی آوازیں سنی گئی ہیں۔ ایرانی میڈیا کی رپورٹ کے مطابق اہم ساحلی شہر بندر عباس اور اہواز بھی زور دار دھماکوں سے گونج اٹھے، جبکہ امریکی فوج کے دو میزائل موسان گاؤں کے قریب آ کر گرے ہیں جس سے علاقے میں شدید خوف و ہراس پھیل گیا۔

دوسری جانب امریکی حکام نے ان حملوں کی تصدیق کرتے ہوئے موقف اپنایا ہے کہ ان کارروائیوں کا بنیادی مقصد پاسدارانِ انقلاب کی جانب سے خطے میں تجارتی جہاز رانی کو لاحق خطرات اور خدشات کو کم کرنا ہے۔ تاہم ان مسلسل حملوں کے باعث علاقے میں تناؤ مزید شدت اختیار کر گیا ہے۔