امریکی شہریوں کیلئے مشرق وسطیٰ سے متعلق سفری ہدایات جاری

امریکی محکمہ خارجہ نے مشرقِ وسطیٰ میں بڑھتی ہوئی کشیدگی کے پیشِ نظر اپنے شہریوں کے لیے نئی سفری ہدایات جاری کر دی ہیں۔ جاری کردہ بیان میں مغربی ایشیا میں موجود امریکی شہریوں کو خبردار کیا گیا ہے کہ وہ کسی بھی ممکنہ ہنگامی سفری صورتحال کا سامنا کرنے کے لیے ہمہ وقت تیار رہیں۔

امریکی محکمہ خارجہ کا کہنا ہے کہ ایران کے ساتھ جاری کشیدگی اور جنگ کے باعث خطے میں تجارتی پروازوں کی اچانک منسوخی اور فضائی سفر میں شدید تعطل کا سامنا ہو سکتا ہے۔ حکام نے امریکی شہریوں کو احتیاطی تدابیر اختیار کرنے اور سفری منصوبوں میں ممکنہ تبدیلیوں کے لیے الرٹ رہنے کی ہدایت کی ہے۔