امریکی انتظامیہ کے بعض عہدیدار زمینی حقائق سے نظریں چرا رہے ہیں: عباس عراقچی

ایرانی وزیر خارجہ عباس عراقچی نے امریکی پالیسیوں پر شدید تنقید کرتے ہوئے کہا ہے کہ امریکی انتظامیہ کے بعض اعلیٰ عہدیدار زمینی حقائق سے مکمل طور پر نظریں چرا رہے ہیں۔ ان کا کہنا تھا کہ ان حکام کی تمام تر توجہ محض 2028ء کے صدارتی انتخابات پر مرکوز ہے، جس کی وجہ سے وہ خطے اور معاہدے کی سچی صورتحال کو تسلیم کرنے سے گریزاں ہیں۔

عباس عراقچی نے خبردار کیا کہ امریکہ کی یہ جارحانہ پالیسی خود ان کے اپنے مفادات کے لیے الٹا نقصان دہ ثابت ہوگی اور اس طرزِ عمل کے باعث مطلوبہ معاہدے کا حصول مزید دشوار ہو جائے گا۔ انہوں نے زور دے کر کہا کہ معاہدے کے لیے سنجیدہ اقدامات کرنے کے بجائے مسلسل جارحیت اور دباؤ پر اصرار کرنا خود امریکی انتظامیہ اور صدر ڈونلڈ ٹرمپ کی پالیسیوں کے لیے نقصان دہ رہے گا۔ ایرانی وزیر خارجہ کے مطابق جب تک امریکی حکام حقیقت کا سامنا نہیں کرتے اور جارحانہ انداز نہیں چھوڑتے، تب تک پائیدار نتائج کا حاصل ہونا ممکن نہیں