کویت کی ایرانی حملوں کی شدید مذمت، علاقائی امن کیلئے براہِ راست خطرہ قرار دیدیئے

کویت نے العبدلی بارڈر پر ہونے والے ایرانی ڈرون حملوں کی شدید الفاظ میں مذمت کرتے ہوئے انہیں علاقائی امن و استحکام کے لیے براہِ راست خطرہ قرار دے دیا ہے۔ کویتی وزارتِ خارجہ کی جانب سے جاری کردہ بیان میں کہا گیا ہے کہ سرحد پر یہ حملے ملک کی خودمختاری کی کھلی خلاف ورزی ہیں، جسے کسی بھی صورت میں برداشت یا قبول نہیں کیا جا سکتا۔

کویتی وزارتِ خارجہ کے ترجمان نے وضاحت کی کہ ان ڈرون حملوں کے نتیجے میں مالی نقصان تو ہوا ہے تاہم خوش قسمتی سے کوئی جانی نقصان نہیں ہوا ہے۔ ترجمان کا مزید کہنا تھا کہ قومی سلامتی اور سرحدوں کے دفاع کو یقینی بنانے کے لیے کویتی فوج کو ہائی الرٹ کر دیا گیا ہے، اور مسلح افواج ملکی دفاع و تحفظ کی خاطر تمام ضروری و سخت اقدامات اٹھانے کے لیے مکمل تیار ہیں۔