امریکی صدر کی دھمکیاں مایوسی کی علامت ہیں: ایران کا ٹرمپ کے بیان پر ردعمل

ایرانی سپریم لیڈر کے مشیر محسن رضائی نے امریکی صدر ڈونلڈ ٹرمپ کے حالیہ بیانات پر شدید ردِ عمل دیتے ہوئے کہا ہے کہ امریکی صدر کی دھمکیاں محض ان کی مایوسی اور ناکامی کی واضح علامت ہیں۔ سوشل میڈیا پلیٹ فارم ‘ایکس’ (سابقہ ٹوئٹر) پر جاری ایک بیان میں محسن رضائی نے شلمچہ میں زائرین پر ہونے والے حملے کو امریکہ کی شدید بے بسی قرار دیا۔ انہوں نے واضح کیا کہ ایران مسلسل فوجی دباؤ اور حملوں کے باوجود اپنی جوابی کارروائیاں جاری رکھے ہوئے ہے اور اگر ملک کے انفراسٹرکچر کو نشانہ بنایا گیا تو ایران کا ردِ عمل انتہائی شدید اور سخت ہو گا۔ محسن رضائی نے تنقید کرتے ہوئے مزید کہا کہ امریکی صدر اب پاگل پن کے کھیل سے نکل کر ایک مایوس شخص کے کھیل میں داخل ہو چکے ہیں اور تہران اپنے دفاعی عزم سے ایک انچ بھی پیچھے نہیں ہٹے گا۔