واشنگٹن میں ٹرمپ اور جنسی مجرم جیفری ایپسٹین کا مجسمہ نصب

امریکی دارالحکومت واشنگٹن میں ایک متنازع مجسمہ نصب کیا گیا ہے جس میں سابق صدر ڈونلڈ ٹرمپ کو بدنام زمانہ جنسی مجرم جیفری ایپسٹین کے ساتھ فلم ٹائی ٹینک کے مشہور منظر کی طرز پر دکھایا گیا ہے۔

اس مجسمے کو ’کنگ آف دی ورلڈ‘ کا نام دیا گیا ہے جو فلم ٹائی ٹینک کے اس معروف منظر کی عکاسی کرتا ہے جہاں مرکزی کردار جہاز کے اگلے حصے پر کھڑے ہوتے ہیں۔ مجسمے میں ڈونلڈ ٹرمپ کو جیفری ایپسٹین کو تھامے ہوئے دکھایا گیا ہے جبکہ اطراف میں بینرز اور تختیاں بھی نصب کی گئی ہیں جن پر دونوں شخصیات کی تصاویر اور طنزیہ پیغامات درج ہیں۔

یہ انسٹالیشن فنکارانہ گروپ ’دی سیکرٹ ہینڈ شیک‘ نے تیار کی ہے جو اس سے قبل بھی ٹرمپ اور ایپسٹین کے مبینہ تعلق پر تنقیدی نوعیت کے مجسمے نصب کر چکا ہے۔ اس فن پارے میں طنزیہ انداز میں دونوں شخصیات کے تعلق کو فلم کے کرداروں جیک اور روز سے تشبیہ دی گئی ہے۔

یہ مجسمہ واشنگٹن کے نیشنل مال کے مقام پر نصب کیا گیا ہے جس کے بعد سیاسی، سماجی اور فنکارانہ حلقوں میں اس پر شدید بحث شروع ہو گئی ہے۔ بعض افراد نے اسے اظہار رائے کی آزادی کی علامت قرار دیا ہے جبکہ دیگر نے اسے نامناسب اور متنازع تنقید قرار دیا ہے۔