مری میں حکمران جماعت کی اہم بیٹھک، سیاسی و معاشی صورتحال پر مشاورت

حکمران جماعت کی اعلیٰ قیادت کا ایک انتہائی اہم اور اسٹریٹجک اجلاس مری میں منعقد ہوا، جس میں ملک کی مجموعی سیاسی و معاشی صورتحال پر تفصیلی تبادلہ خیال کیا گیا۔ ذرائع کے مطابق اس اعلیٰ سطح کے اجلاس میں میاں نواز شریف، وزیراعظم شہباز شریف، وزیراعلیٰ پنجاب مریم نواز، نائب وزیراعظم و وزیر خارجہ اسحاق ڈار اور شریف خاندان کے دیگر قریبی افراد نے شرکت کی۔ اجلاس کے دوران آزاد کشمیر کی موجودہ سیاسی صورتحال اور وہاں آئندہ ہونے والے انتخابات کی حکمتِ عملی پر گہرائی سے مشاورت کی گئی، جبکہ میاں نواز شریف کے میرپور میں ہونے والے آئندہ عوامی جلسے کے انتظامات کا بھی تفصیلی جائزہ لیا گیا۔ اجلاس کے دوران وزیراعظم شہباز شریف نے شرکا کو پٹرولیم مصنوعات کی قیمتوں میں حالیہ اضافے کی بنیادی وجوہات اور معاشی مجبوریوں سے آگاہ کیا، جبکہ نائب وزیراعظم اسحاق ڈار نے ایران اور امریکہ کے درمیان بڑھتی ہوئی کشیدگی کے تناظر میں خطے میں امن قائم کرنے کے لیے پاکستان کی سفارتی اور ثالثی کوششوں پر تفصیلی بریفنگ دی