فیفا کا ورلڈ کپ فاتح سکواڈ کو پہلی بار ٹرافی و میڈلز کیساتھ خصوصی چیمپئن رنگز دینے کا اعلان

فٹبال کی عالمی تنظیم فیفا نے تاریخ میں پہلی بار اعلان کیا ہے کہ فیفا ورلڈ کپ 2026 کے فاتح کو روایتی ٹرافی اور گولڈ میڈلز کے ساتھ خصوصی چیمپئن شپ رنگز بھی پیش کی جائیں گی۔ امریکی کھیلوں کی مقبول روایت کے طرز پر تیار کردہ ان رنگز کی مجموعی تعداد 2026 ہوگی، جن میں سے 30 رنگز فاتح ٹیم کے کھلاڑیوں اور آفیشلز کے لیے مخصوص ہوں گی، جبکہ باقی 1996 رنگز دنیا بھر کے شائقین کے لیے آفیشل لائسنس یافتہ مصنوعات کے طور پر فروخت کی جائیں گی۔ ان انگوٹھیوں کے ایک جانب فیفا ورلڈ کپ ٹرافی کا ڈیزائن اور دوسری جانب فاتح ٹیم کی شناخت نمایاں ہوگی۔ فائنل کے فوراً بعد فاتح ٹیم کے کپتان اور ہیڈ کوچ کو عارضی رنگز دی جائیں گی، جبکہ تمام 30 مستقل انگوٹھیاں بعد میں ایک خصوصی تقریب میں باضابطہ طور پر دی جائیں گی۔ واضح رہے کہ فیفا ورلڈ کپ 2026 کا تاریخی فائنل معرکہ 19 جولائی کو نیو یارک نیو جرسی اسٹیڈیم میں اسپین اور ارجنٹینا کے درمیان کھیلا جائے گا۔