مشترکہ مفادات کونسل کے53ویں اجلاس کی تیاریوں کاتفصیلی جائزہ

نائب وزیراعظم اسحاق ڈار کی صدارت میں ایک اہم ترین اجلاس منعقد ہوا، جس میں مشترکہ مفادات کونسل (سی سی آئی) کے 53ویں اجلاس کی تیاریوں کا تفصیلی جائزہ لیا گیا۔ اجلاس کے دوران کمیٹی نے مشترکہ مفادات کونسل کا اگلا باقاعدہ اجلاس اگست 2026 میں بلانے کی سفارش کی ہے، جبکہ آئندہ اجلاس کے ایجنڈے اور اہم قومی امور پر گہرائی سے مشاورت بھی کی گئی۔ اس موقع پر نائب وزیراعظم اسحاق ڈار نے تعاون پر مبنی وفاقی نظام کو مزید مضبوط بنانے کے پختہ عزم کا اعادہ کرتے ہوئے کہا کہ وفاق اور صوبوں کے درمیان مؤثر رابطے اور ہم آہنگی حکومت کی اولین ترجیح ہے۔ انہوں نے اس بات پر بھی زور دیا کہ قومی مفاد میں بروقت اور دور رس فیصلوں کے لیے وفاق اور صوبوں کا باہمی تعاون انتہائی ضروری ہے، اور حکومت وفاقی ہم آہنگی کے فروغ کے لیے مؤثر ادارہ جاتی تعاون کا سلسلہ مستقل جاری رکھے گی۔