امریکی کے ساتھ مفاہمتی یادداشت پر عملدرآمد معطل کر دیا: ایرانی نائب وزیر خارجہ

ایرانی نائب وزیر خارجہ کاظم غریب آبادی نے باضابطہ اعلان کیا ہے کہ ایران نے امریکا کے ساتھ طے پانے والی مفاہمتی یادداشت (ایم او یو) پر عملدرآمد فوری طور پر معطل کر دیا ہے۔ ایرانی میڈیا رپورٹس کے مطابق کاظم غریب آبادی کا کہنا تھا کہ امریکی حملوں کے بعد ایران نے یہ سخت قدم اٹھایا ہے کیونکہ امریکا مسلسل معاہدے کی خلاف ورزیاں کر رہا ہے اور مذاکرات کے جاری عمل کے دوران بھی وعدے توڑتے ہوئے جارحانہ اقدامات کیے گئے ہیں۔ انہوں نے واضح کیا کہ امریکا کو اس کی نیت کا ایک بار پھر دوٹوک جواب مل رہا ہے اور اس وقت ایران کی تمام تر توجہ اپنے ملک کے دفاع پر مرکوز ہے۔ ایرانی نائب وزیر خارجہ نے مزید کہا کہ ایران سنجیدگی کے ساتھ مذاکراتی عمل میں شریک تھا، تاہم امریکی یکطرفہ اقدامات نے باہمی اعتماد کو شدید نقصان پہنچایا ہے۔ دوسری جانب بین الاقوامی میڈیا رپورٹس میں خدشہ ظاہر کیا جا رہا ہے کہ ایران کے اس فیصلے کے بعد دونوں ممالک کے درمیان پہلے سے موجود سفارتی کشیدگی میں مزید خطرناک اضافہ ہو سکتا ہے۔