LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن دبئی میں عالمی مائننگ شو اختتام پذیر، بین الاقوامی سرمایہ کاری اور نئی شراکت داریوں پر خصوصی توجہ عالمی پولیس سربراہی اجلاس اختتامی مرحلے میں داخل، اے آئی اور جدید پولیس ٹیکنالوجی مرکزِ نگاہ روس کے مفادات نظرانداز کرکے امن مذاکرات نہیں ہو سکتے، روسی وزارت خارجہ فلائی دبئی نے ریاض اور ابہا کیلئے پروازوں کی منسوخی میں 27 نومبر تک توسیع کر دی ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ

سپریم کورٹ کا خواتین کے وراثتی حقوق پر اہم فیصلہ

Web Desk

7 July 2026

سپریم کورٹ آف پاکستان نے خواتین کے وراثتی حقوق کے تحفظ کے لیے ایک انتہائی اہم اور تاریخی فیصلہ جاری کیا ہے۔ عدالتِ عظمیٰ نے واضح طور پر قرار دیا ہے کہ کوئی بھی جرگہ یا قبائلی روایت، اسلامی شریعت اور ملکی قانون کے تحت کسی بھی وارث (خصوصاً خواتین) کو اس کے جائز حقِ وراثت سے محروم کرنے کا اختیار نہیں رکھتی۔

جسٹس عرفان سعادت خان کی جانب سے تحریر کردہ اس فیصلے میں مٹھی خان نامی شخص کی وراثتی زمین پر قبضے کے تنازع کا تصفیہ کیا گیا ہے۔ سپریم کورٹ نے اس کیس میں بلوچستان ہائی کورٹ کا فیصلہ برقرار رکھتے ہوئے جعلی انتقالات کے ذریعے خواتین کی وراثتی زمین ہتھیانے کی کوشش کو یکسر مسترد کر دیا۔ عدالت نے اپنے فیصلے میں رولنگ دی۔ فراڈ کے ذریعے حاصل کی گئی جائیداد پر کوئی قانونی حق قائم نہیں ہو سکتا۔ اگر زمین کی منتقلی فراڈ کے تحت کی گئی ہو، تو اس پر کھڑی پوری قانونی عمارت خود بخود گر جاتی ہے۔

عدالتِ عظمیٰ نے قبائلی معاشرے میں رائج بعض روایات پر سخت موقف اپناتے ہوئے کہا کہ بیٹیوں اور خواتین کو وراثت سے محروم کرنا شریعتِ اسلامی اور پاکستان کے قانون دونوں کی کھلی خلاف ورزی ہے۔ قانون اور اسلامی اصولوں سے بالاتر کوئی جرگہ یا رسم و رواج نہیں ہو سکتا۔

سپریم کورٹ نے اپنے فیصلے میں ریونیو حکام کے لیے بھی اہم ترین نکتہ واضح کرتے ہوئے قرار دیا کہ ریونیو ریکارڈ میں محض ‘انتقالِ ملکیت’ درج ہو جانا جائیداد کا حتمی ثبوت نہیں ہوتا، اس لیے جعل سازی اور فراڈ سے کیے گئے ایسے انتقالات کی قانون کی نظر میں کوئی حیثیت نہیں۔

عدالت نے متعلقہ حکام کو سخت ہدایت جاری کی ہے کہ ملک بھر میں وراثتی زمینوں کی تقسیم صرف اور صرف اسلامی قانونِ وراثت کے مطابق ہی کی جائے اور خواتین کے شرعی و قانونی حقوق پر کسی قسم کا کوئی سمجھوتہ نہ کیا جائے۔