آبنائے ہرمز میں جہازوں کی آمد و رفت صرف 4 فیصد رہ گئی

آبنائے ہرمز میں عالمی سیکیورٹی صورتحال بدستور انتہائی تشویشناک برقرار ہے، جس کے باعث اس اہم بحری گزرگاہ سے تجارتی اور دیگر جہازوں کی آمد و رفت سمٹ کر صرف 4 فیصد رہ گئی ہے۔ برطانوی میری ٹائم ٹریڈ آپریشنز (UKMTO) کی جاری کردہ تازہ ترین رپورٹ کے مطابق، 28 فروری سے اب تک آبنائے ہرمز کے راستے مجموعی طور پر 857 بحری سفر ریکارڈ کیے گئے ہیں، جبکہ گزشتہ سات دنوں کے دوران یہاں سے صرف 21 بحری جہاز ہی گزر سکے ہیں۔

رپورٹ میں مزید انکشاف کیا گیا ہے کہ 6 جولائی کے بعد سے اب تک آبنائے ہرمز کے اطراف میں کم از کم 16 میزائل حملے رپورٹ ہو چکے ہیں۔ تشویشناک بات یہ ہے کہ ان 16 میں سے 14 میزائل حملے جنوبی عمانی بحری راستے پر پیش آئے، جس سے عالمی شاہراہِ سمندر میں بحری جہاز رانی شدید خطرات اور معاشی ہچکولوں کا شکار ہو چکی ہے