وفاقی حکومت نے راولپنڈی میں پاک فوج تعینات کرنے کی منظوری دے دی

وفاقی حکومت نے آئین کے آرٹیکل 245 کے تحت ضلع راولپنڈی میں امن و امان کی صورتحال برقرار رکھنے کے لیے پاک فوج کی 3 کمپنیاں (تقریباً 400 سے زائد اہلکار) 6 ماہ کی مدت کے لیے تعیّن کرنے کی منظوری دے دی ہے۔ یہ اقدام حکومتِ پنجاب کے ہوم ڈیپارٹمنٹ کی جانب سے کی گئی باقاعدہ درخواست پر اٹھایا گیا ہے۔

پاک فوج کے اہلکار ضلعی انتظامیہ کے ساتھ مل کر کام کریں گے، تاکہ شہر میں اہم شاہراہوں، حساس مقامات اور سرکاری تنصیبات کی سیکیورٹی کو یقینی بنایا جا سکے۔ تعیّناتی کا بنیادی مقصد کسی بھی ناخوشگوار واقعے سے نمٹنا اور مقامی انتظامیہ کو امن و امان کے قیام میں معاونت فراہم کرنا ہے۔