بنگلہ دیش نے پاکستان، ترکیہ اور سعودیہ کے دفاعی معاہدے میں شمولیت کا اشارہ دیدیا

بنگلہ دیش نے پاکستان، ترکیہ اور سعودی عرب کے ممکنہ دفاعی و معاشی فریم ورک میں شمولیت کا اشارہ دے دیا ہے۔ بنگلہ دیشی وزیراعظم کے مشیر برائے خارجہ امور ہمایوں کبیر نے ایک انٹرویو کے دوران واضح کیا کہ بنگلہ دیش سعودی عرب، پاکستان اور ترکیہ کے مابین قائم ہونے والے معاشی یا دفاعی فریم ورک میں شمولیت کے حوالے سے مثبت اور کھُلا رویہ رکھتا ہے۔

ہمایوں کبیر کے مطابق، بنگلہ دیش اس ممکنہ پیش رفت میں اپنے قومی مفادات، عالمی معیشت اور بدلتے ہوئے تجارتی توازن کو مدنظر رکھے گا۔ انہوں نے مزید کہا کہ بنگلہ دیش پاکستان کے ساتھ نارمل سفارتی سرگرمیوں کے ذریعے عملی دوطرفہ تعلقات کو مستحکم کر رہا ہے، جبکہ دونوں ممالک کے مابین تجارت اور عوامی روابط کے فروغ کے لیے عملی اقدامات جاری ہیں۔ دوسری جانب بنگلہ دیشی میڈیا نے رپورٹ کیا ہے کہ وزیراعظم طارق رحمان، سعودی ولی عہد محمد بن سلمان کی دعوت پر جلد سعودی عرب کا دورہ کریں گے