پٹرولیم بحران؛ مشرقِ وسطیٰ جنگ سے خام تیل 11 دن،پیٹرول 27 دن،ایل پی جی 9 دن بعد ختم ہونے کا اعتراف
Web Desk
16 March 2026
سینیٹ کی قائمہ کمیٹی پٹرولیم کے اجلاس میں ملک میں پیٹرولیم اور گیس کی موجودہ صورتحال پر تفصیلی بریفنگ دی گئی۔ اجلاس کی صدارت سینیٹر منظور احمد نے کی۔
بریفنگ کے مطابق قطر سے ملک کو گیس کی سپلائی مکمل معطل ہو چکی ہے، تاہم مقامی گیس کی پیداوار بڑھا دی گئی ہے اور موجودہ صورت حال میں گیس کی ڈیمانڈ بجلی سے زیادہ نہیں پہنچ سکی۔ مارچ میں آٹھ گیس کے کارگوز میں سے صرف دو پہنچ پائے جبکہ چھ مارچ کے کارگوز جنگ کے باعث نہیں آ سکے۔ اپریل کے چھ کارگوز میں سے بھی تین نہیں پہنچ سکیں گے اور 14 اپریل کے بعد گیس کی سپلائی ختم ہونے کا خدشہ ہے۔
سسٹم گیس سپلائی 655 ایم ایم سی ایف ڈی سے کم ہو کر 642 ایم ایم سی ایف ڈی کرنے کا منصوبہ ہے، جبکہ آر ایل این جی سپلائی 28 سے بڑھا کر 30 ایم ایم سی ایف ڈی کرنے کی تجویز دی گئی ہے۔ مجموعی گیس سپلائی 683 سے کم ہو کر 672 ایم ایم سی ایف ڈی متوقع ہے۔ گھریلو صارفین کے لیے گیس استعمال 399 سے بڑھا کر 420 ایم ایم سی ایف ڈی، کمرشل سیکٹر کے لیے 10 سے کم کر کے 8 ایم ایم سی ایف ڈی اور پراسیس انڈسٹری کے لیے 140 سے کم کر کے 120 ایم ایم سی ایف ڈی کرنے کا منصوبہ ہے۔
پاور سیکٹر کو گیس فراہمی 18 سے بڑھا کر 20 ایم ایم سی ایف ڈی، کھاد کے کارخانوں کے لیے 29 سے بڑھا کر 30 ایم ایم سی ایف ڈی، جبکہ کیپٹو پاور پلانٹس کے لیے 82 سے کم کر کے 70 ایم ایم سی ایف ڈی تجویز کی گئی ہے۔ ایل این جی کی ڈیمانڈ میں اضافہ ہونے کی صورت میں آذربائیجان کے ساتھ بھی معاہدہ کیا جا سکتا ہے، تاہم وہاں سے ایل این جی تین گنا مہنگی ملے گی۔
تیل کی سپلائی کے حوالے سے سیکریٹری پٹرولیم نے بتایا کہ جنگ شروع ہونے کے بعد آبنائے ہرمز سے چار دن میں جہاز پہنچتے تھے، اب ریڈ سی سے تیل منگوانے میں 12 دن لگ رہے ہیں۔ سعودی عرب میں آئل ریفائنری پر حملے کی وجہ سے پیداوار بند ہونے کا خطرہ بھی موجود ہے۔
خام تیل کی قیمتیں جنگ کے بعد 72 ڈالر سے بڑھ کر 115 ڈالر فی بیرل تک پہنچ چکی ہیں۔ ڈیزل اور پٹرول کے محدود ٹینکر آئے ہوئے ہیں، اور روس سے تیل کی خریداری کی کوششیں جاری ہیں۔ ایران سے آبنائے ہرمز کے ذریعے تیل کی ترسیل کے لیے بات چیت ہو رہی ہے، اور چار جہاز کھڑے ہیں تاکہ موجودہ ذخائر کو بڑھایا جا سکے۔
ملک میں ذخائر کی صورتحال کے مطابق:
خام تیل: 11 دن
ڈیزل: 21 دن
پیٹرول: 27 دن
ایل پی جی: 9 دن
جے پی ون: 14 دن
سیکرٹری پٹرولیم نے کہا کہ ملک میں پیٹرول کی دستیابی برقرار ہے، تاہم قیمتیں بڑھ گئی ہیں۔ عرب ممالک سے تیل 4 سے 5 دنوں میں پہنچ جاتا ہے، اور یورو 5 معیار سے کم کوالٹی کے تیل کی درآمد کی اجازت بھی دی گئی ہے۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026