پولیس نے طالبہ سے گن پوائنٹ پر زیادتی کرنے والے ملزم کے والد کو حراست میں لے لیا

شیخوپورہ کی تحصیل مریدکے کے نواحی گاؤں ٹپیالہ دوست محمد میں نویں جماعت کی طالبہ سے گن پوائنٹ پر زیادتی کرنے اور اس کی ویڈیو سوشل میڈیا پر وائرل کرنے والے ملزم کے والد کو پولیس نے حراست میں لے لیا ہے۔ صدر پولیس کے مطابق یہ افسوسناک واقعہ دو ماہ قبل اس وقت پیش آیا تھا جب ملزم سبحان عرف جیبو نے طالبہ کو گھر میں اکیلا پا کر زبردستی داخل ہوا اور اسے اپنی ہوس کا نشانہ بنایا۔ ملزم متاثرہ لڑکی کو قتل کی دھمکیاں دے کر خاموش کراتا رہا اور اس نے زیادتی کی ویڈیو بنا کر اپنے دوستوں میں شیئر کر دی جو بعد میں وائرل ہو گئی۔

پولیس نے لڑکی کے والد عارف کی درخواست پر مقدمہ درج کر کے مرکزی ملزم کی تلاش شروع کر دی ہے، جب کہ اس کے والد کو حراست میں لے کر تفتیش کا دائرہ وسیع کر دیا گیا ہے۔