پٹرولیم مصنوعات کی قیمتوں میں اضافہ لاہور ہائیکورٹ میں چیلنج

حکومت کی جانب سے پٹرولیم مصنوعات کی قیمتوں میں کیے جانے والے حالیہ اضافے کو لاہور ہائیکورٹ میں چیلنج کر دیا گیا ہے۔ یہ متفرق درخواست جوڈیشل ایکٹوزم پینل کی جانب سے عدالتِ عالیہ میں دائر کی گئی ہے۔ درخواست میں مؤقف اختیار کیا گیا ہے کہ وفاقی حکومت کی جانب سے پٹرولیم مصنوعات کی قیمتوں میں یہ اضافہ بالکل بلاوجہ اور غیر منصفانہ ہے، کیونکہ اس وقت عالمی مارکیٹ میں پٹرولیم مصنوعات کی قیمتیں مسلسل گر رہی ہیں لیکن اس کے برعکس ملک میں قیمتیں بڑھا دی گئی ہیں۔

درخواست گزار نے عدالت کو بتایا کہ وفاقی حکومت کے پاس پٹرولیم مصنوعات کی قیمتوں میں ردوبدل کا کوئی ٹھوس اور شفاف میکنزم موجود نہیں ہے، جس کی وجہ سے عوام پر اضافی بوجھ ڈالا جا رہا ہے۔ درخواست میں عدالتِ عالیہ سے استدعا کی گئی ہے کہ وہ عوامی مفاد کو مدنظر رکھتے ہوئے پٹرولیم مصنوعات کی قیمتوں میں کیے گئے حالیہ اضافے کو فوری طور پر کالعدم قرار دینے کے احکامات جاری کرے