نواز شریف پر دھاندلی کا الزام لگاؤ گے تو تاریخ بھی یاد رکھنی ہو گی: رانا ثنا اللہ

سینیٹر اور وزیراعظم کے مشیر رانا ثنا اللہ نے پاکستان پیپلز پارٹی کی قیادت کے حالیہ بیانات پر سخت ردعمل دیتے ہوئے کہا ہے کہ اگر سیاسی گفتگو میں میاں نواز شریف پر دھاندلی سے وزیراعظم بننے کے الزامات عائد کیے جائیں گے تو پھر تاریخ کے باقی اور تلخ صفحات کو بھی یاد رکھنا ہوگا۔

اپنے بیان میں رانا ثنا اللہ نے پیپلز پارٹی کے جلسوں اور بیانات کو آڑے ہاتھوں لیتے ہوئے کہا کہ اگر جلسوں میں موجودہ وزیراعظم کو ’فارم 47 کا وزیراعظم‘ کہا جا رہا ہے تو پھر یہ بھی جواب دیا جائے کہ خود صدر مملکت کس فارم کے ووٹوں سے منتخب ہوئے ہیں۔ انہوں نے سخت انداز میں تذکرہ کرتے ہوئے کہا کہ تاریخ کو دیکھا جائے تو ’کوئی پہلی بار ملک توڑ کر بھی وزیراعظم بنا تھا‘۔

رانا ثنا اللہ نے آصف علی زرداری کے صاحبان پر تنقید کرتے ہوئے کہا کہ زرداری صاحب کے دو ’برخوردار‘ موجودہ نظام کے خلاف بیانات دے رہے ہیں، جن میں سے ایک رہنما نظام پر مسلسل تنقید کر رہے ہیں جبکہ دوسرے نے بھی کہا ہے کہ موجودہ نظام اب مزید نہیں چل سکتا۔ وزیراعظم کے مشیر نے سوال اٹھایا کہ اسی نظام کے ذریعے پیپلز پارٹی کی نوجوان قیادت نے محض ساڑھے تین برس کے اندر تیس برس کا سیاسی سفر طے کر لیا ہے، اور اب جس نظام سے پورا سیاسی فائدہ حاصل کیا گیا، اسی کو ناکام اور معطل قرار دینا بالکل مناسب اور اخلاقی نہیں