امریکی حملوں کا سخت جواب دیا جائے گا، ایران نے ترکیہ اور سعودیہ کو آگاہ کر دیا

ایران کے وزیر خارجہ عباس عراقچی نے سعودی عرب اور ترکیہ کے وزرائے خارجہ سے الگ الگ ٹیلی فونک رابطے کیے ہیں، جن میں انہوں نے امریکی عسکری اقدامات اور بڑھتی ہوئی علاقائی کشیدگی کے تناظر میں تہران کا سخت اور واضح موقف پیش کیا ہے۔

ایرانی وزیر خارجہ عباس عراقچی نے سعودی عرب کے وزیر خارجہ فیصل بن فرحان اور ترکیہ کے وزیر خارجہ حاقان فیدان سے خطے کی موجودہ نازک صورتحال پر تبادلہ خیال کیا۔ اس موقع پر انہوں نے امریکا کو کسی بھی ممکنہ مہم جوئی یا فوجی کارروائی سے باز رہنے کا انتباہ دیتے ہوئے واضح کیا کہ ایران اپنی قومی خود مختاری، علاقائی سالمیت اور عوام کی سلامتی کے دفاع کے لیے مکمل طور پر تیار اور الرٹ ہے۔

عباس عراقچی کے آفیشل ٹیلی گرام چینل پر جاری کردہ بیان میں مزید تاکید کی گئی ہے کہ ایران پر کی جانے والی کسی بھی قسم کی بیرونی جارحیت کا انتہائی سخت، دندان شکن اور فیصلہ کن جواب دیا جائے گا۔