صدر پزشکیان کا ایرانی قوم کو جنگ کے دوران ثابت قدم رہنے پر خراجِ تحسین

ایران کے صدر مسعود پزشکیان نے امریکی اور اسرائیلی کشیدگی اور جنگ کی صورتحال کے دوران استقامت دکھانے پر ایرانی قوم کو زبردست خراجِ تحسین پیش کرتے ہوئے انہیں “ہیرو” قرار دیا ہے۔

سماجی رابطے کی ویب سائٹ ‘ایکس’ (سابقہ ٹوئٹر) پر اپنے ایک بیان میں صدر مسعود پزشکیان نے واضح الفاظ میں کہا کہ ایران کا مستقبل کسی باہر کی طاقت کے بجاۓ خود ایرانی عوام طے کریں گے۔

ایرانی صدر نے جاری تنازع کا پس منظر بیان کرتے ہوئے کہا کہ اس کشیدگی اور جنگ کا آغاز تہران میں حماس کے سربراہ اسماعیل ہنیہ کے قتل سے ہوا تھا۔ انہوں نے کہا کہ اس واقعے کے بعد سے ایران کو مسلسل جنگی صورتحال، شدید بیرونی دباؤ اور دشمنی کا سامنا رہا ہے، لیکن اس تمام تر نامساعد حالات کے باوجود ایرانی قوم ثابت قدمی اور حوصلے سے کھڑی رہی ہے۔