رجب بٹ کا مسٹر پتلو کے مشکل وقت میں ساتھ دینے کا اعلان

معروف پاکستانی یوٹیوبر رجب بٹ نے سابق دوست اور ٹک ٹاکر محمد انصر جٹ المعروف ‘مسٹر پتلو’ کی مہندی کی تقریب کے دوران ہونے والے حادثے پر اپنے پرانے اختلافات کو بالاائے طاق رکھتے ہوئے ان کی حمایتی ویڈیو جاری کر دی ہے۔ سیالکوٹ میں مسٹر پتلو کی مہندی سے قبل بھگدڑ مچنے سے 4 افراد جاں بحق اور 14 زخمی ہو گئے تھے، جس کے بعد انہوں نے پنجاب حکومت سے مدد کی اپیل کرتے ہوئے معافی مانگی تھی۔ اس مشکل وقت میں رجب بٹ نے اپنے پیغام میں کہا کہ دشوار حالات ہی میں سچے دوستوں کی پہچان ہوتی ہے، وہ مسٹر پتلو کے ساتھ کھڑے ہیں اور ان کی والدہ بھی ان کے لیے دعا گو ہیں۔