شارجہ کتاب میلہ 2026، پاکستانی شیف عالمی پکوان، ثقافتی سرگرمیوں میں پاکستان کی نمائندگی کریں گی

متحدہ عرب امارات کے ثقافتی مرکز شارجہ میں منعقد ہونے والے 45ویں شارجہ بین الاقوامی کتاب میلے (4 سے 15 نومبر) میں علم و ادب کے ساتھ ساتھ پاکستانی کھانوں کی روایتی ثقافت بھی زائرین کی توجہ کا مرکز بنے گی۔ میلے کے پروگرام میں پاکستانی نژاد بین الاقوامی شیف کوثر راجہ کوکری کارنر کا حصہ ہوں گی، جہاں وہ عالمی شیفس کے ہمراہ پاکستان کے روایتی پکوان، کھانوں کی تیاری کے طریقے اور ثقافتی ذائقوں کو عالمی سطح پر پیش کریں گی۔ اماراتی خبر رساں ایجنسی وام کے مطابق اس 12 روزہ میلے میں 126 ممالک کے 3,212 سے زائد ناشرین 17 لاکھ کتابوں کے ساتھ شریک ہیں جبکہ 1,500 سے زائد ثقافتی و تخلیقی سرگرمیاں کاوشوں کا حصہ ہیں۔ اس بین الاقوامی پلیٹ فارم پر شیف کوثر راجہ کی شمولیت کو دیارِ غیر میں مقیم پاکستانی کمیونٹی کے لیے اپنی ثقافتی شناخت اور روایتی ذائقوں کو دنیا کے سامنے اجاگر کرنے کا ایک اہم اور فخر بخش موقع قرار دیا جا رہا ہے