ہالی وڈ کے مشہور ڈائریکٹر اچانک گولی چل جانے سے زخمی، ہسپتال منتقل

امریکی کرائم اور تھرلر فلموں کے نامور ہالی ووڈ ڈائریکٹر مائیکل مان لاس اینجلس میں ٹارگٹ پریکٹس کے دوران حادثاتی طور پر گولی چل جانے سے زخمی ہو گئے۔ غیر ملکی میڈیا کے مطابق 83 سالہ مائیکل مان اپنے پستول کو ہولسٹر میں رکھتے ہوئے فائرنگ کا شکار ہوئے، جس کے بعد انہیں فوری طبی امداد کے لیے ہسپتال منتقل کیا گیا۔ ڈاکٹروں کے مطابق ان کا زخم معمولی نوعیت کا تھا جس میں محض جلد کے نیچے کے ٹشوز متاثر ہوئے، اور ابتدائی علاج کے بعد انہیں ہسپتال سے ڈسچارج کر دیا گیا ہے۔ مقامی پولیس نے بھی واقعے کی تحقیقات کے بعد اسے ایک غیر ارادی حادثہ قرار دیا ہے۔ واضح رہے کہ مائیکل مان ‘ہیٹ’ اور ‘دی لاسٹ آف دی موہیکنز’ جیسی مشہور فلموں کی ہدایت کاری کے لیے جانے جاتے ہیں۔