سیالکوٹ حادثہ: اسلام آباد ہائیکورٹ نے ٹک ٹاکر مسٹر پتلو کی 10 نومبر تک حفاظتی ضمانت منظور کر لی

اسلام آباد ہائیکورٹ نے سیالکوٹ میں مہندی کی تقریب کے دوران پیش آنے والے افسوسناک واقعے کے بعد ٹک ٹاکر محمد انصر جٹ المعروف مسٹر پتلو کی 10 نومبر تک حفاظتی ضمانت منظور کر لی ہے۔ اسلام آباد ہائیکورٹ کے چیف جسٹس سردار سرفراز ڈوگر نے کیس کی سماعت کی، جس دوران مسٹر پتلو اپنے وکیل قاسم عباسی کے ساتھ وہیل چیئر پر بیٹھ کر عدالت کے سامنے پیش ہوئے۔ عدالت عالیہ نے ملزم کو 10 نومبر تک کے لیے حفاظتی ضمانت دیتے ہوئے متعلقہ عدالت میں پیش ہونے کا موقع فراہم کیا ہے تاکہ وہ قانونی کارروائی کا سامنا کر سکیں۔