ایران پر حملہ فتح نہیں، شکست کا باعث بنتا ہے، اسماعیل بقائی

ایرانی وزارتِ خارجہ کے ترجمان اسماعیل بقائی نے سماجی رابطے کی ویب سائٹ ایکس (X) پر جاری کردہ اپنے بیان میں کہا ہے کہ امریکا نے لالچ اور تکبر کی بنیاد پر ایران کے خلاف غیر قانونی جنگ اور دباؤ مسلط کیا، تاہم اس کے تمام جنگی تخمینے اور اندازے مکمل طور پر غلط ثابت ہوئے ہیں۔ ترجمان نے واضح کیا کہ امریکی حکمران ایرانی قوم کے عزم، استقامت اور قومی وقار کو سمجھنے میں بنیادی غلطی کے مرتکب ہوئے ہیں، جبکہ امریکی عوام نے خود اپنی حکومت کو واضح پیغام دے دیا ہے کہ ایران پر حملہ کبھی فتح نہیں بلکہ ہمیشہ شکست کا باعث بنتا ہے۔ انہوں نے خبردار کیا کہ ایرانی قوم کو دھمکیوں یا جارحیت کے ذریعے ہرگز نہیں جھکایا جا سکتا اور اگر امریکا نے اپنا یہ خطرناک اور جارحانہ راستہ جاری رکھا تو اس کے غلط فیصلوں کے نتائج مزید سنگین اور نتائج کی صورت میں سامنے آئیں گے۔