انتخابی شکست کی بنیادی وجہ جنگ اور ووٹرز کی ناراضی ہے: امریکی نائب صدر جے ڈی وینس کا ایکس پر اعتراف

امریکی نائب صدر جے ڈی وینس نے سماجی رابطے کی ویب سائٹ ایکس (X) پر جاری کردہ اپنے ایک تفصیلی بیان میں 2026 کے انتخابات میں ریپبلکن پارٹی کی شکست کا کھلے عام اعتراف کرتے ہوئے کہا ہے کہ انتخابی نتائج کی بنیادی وجہ ووٹرز کی کم شرکت نہیں بلکہ پارٹی پالیسیوں سے ان کی شدید ناراضی تھی۔ جے ڈی وینس کے مطابق 2024 کے انتخابات میں ڈونلڈ ٹرمپ اور انہیں ووٹ دینے والے متعدد ووٹرز نے اس بار ڈیموکریٹس کا انتخاب کیا۔ انہوں نے تسلیم کیا کہ انتخابی مہم کے آخری مرحلے میں معاشی مسائل پر مؤثر پیغام نہیں دیا جا سکا، جبکہ ووٹرز کی ناراضی کی چار بڑی وجوہات میں جنگ کا خاتمہ، مہنگائی پر قابو پانا، ‘امریکہ فرسٹ’ کی پالیسی پر عملدرآمد اور اسرائیل کے ساتھ تعلقات پر نظرثانی شامل تھے۔ نائب صدر نے واضح کیا کہ صدر نے بھی شکست کا سبب جنگ ہی کو قرار دیا ہے، اس لیے مستقبل کی سیاسی حکمت عملی کی تعمیر کے لیے جنگ کے معاملے پر دیانت دارانہ بحث کا آغاز کرنا ناگزیر ہے۔