بانی پی ٹی آئی کی سزا کی مزمت، محمود خان اچکزئی کا ردعمل

قومی کانفرنس کے آغاز سے قبل محمود خان اچکزئی نے میڈیا سے گفتگو کرتے ہوئے کہا کہ خبر آئی ہے کہ بانی پی ٹی آئی اور ان کی اہلیہ کو سزا سنائی گئی ہے۔ انہوں نے کہا کہ کبھی کسی کو پکڑ لیتے ہیں، مگر الیکشن میں ستر سے نوے کروڑ روپے لیے گئے۔

انہوں نے الزام لگایا کہ جنرل فیصل نصیر نے الیکشن میں کروڑوں روپے لیے اور فوج، عدلیہ اور اینٹی کرپشن سب اس بات سے آگاہ ہیں۔ محمود خان اچکزئی نے کہا کہ لوگوں کو اغوا کرنے اور ضمیر بیچنے کی کھلی آزادی ہے۔

انہوں نے واضح کیا کہ وہ بانی پی ٹی آئی کی سزا کی سخت مزمت کرتے ہیں اور کہا کہ جرنیل کا بھی احتساب ہونا چاہیے۔ ان کا کہنا تھا کہ بانی پی ٹی آئی اتنا بڑا لیڈر تھا تو پھر اسے وزیر اعظم کیوں بنایا گیا۔