قومی پیغام امن کمیٹی کا مقصد مذہبی ہم آہنگی، امن و اتحاد کا فروغ ہے: طاہر اشرفی

چیئرمین پاکستان علمائے کونسل حافظ طاہر محمود اشرفی نے پشاور میں بشپ ہنفری سرفراز کے ساتھ مشترکہ نیوز کانفرنس کرتے ہوئے کہا ہے کہ ‘قومی پیغام امن کمیٹی’ وزیراعظم کی ہدایت اور فیلڈ مارشل کے وژن کے تحت قائم کی گئی ہے، جس کا بنیادی مقصد ملک میں مذہبی ہم آہنگی، باہمی احترام اور اتحاد کو فروغ دینا ہے۔ انہوں نے کہا کہ مدارس کے علماء، تمام مسالک کی قیادت اور اقلیتی رہنماؤں کا چرچ میں مسیحی بھائیوں کے ساتھ اکٹھا ہونا پاکستان کی تاریخ کا ایک یادگار اور تاریخی دن ہے۔ حافظ طاہر اشرفی نے واضح کیا کہ اسلام زبردستی مذہب تبدیل کروانے یا جبر کی اجازت نہیں دیتا، اور نہ ہی کسی جتھے کو اپنی رائے دوسروں پر مسلط کرنے کا حق حاصل ہے۔ اس موقع پر بشپ ہنفری سرفراز نے کہا کہ وطنِ عزیز کے شہداء ہمارا فخر ہیں اور ان کی قربانیوں سے ملک مضبوط ہوا ہے