شاندار فتح پر دل بہت خوش ، کشمیریوں نے (ن) لیگ پر بھرپور اعتماد کیا: مریم اورنگزیب

سینئر صوبائی وزیر پنجاب مریم اورنگزیب نے راولپنڈی میں ایک عظیم الشان عوامی اجتماع سے خطاب کرتے ہوئے کہا ہے کہ آزاد کشمیر کے بلدیاتی انتخابات میں شاندار فتح پر دل بے حد خوش ہے اور کشمیری عوام نے نواز شریف اور مریم نواز کی قیادت پر بھرپور اعتماد کا اظہار کیا ہے۔ انہوں نے کہا کہ میرپور ڈویژن کے ہر پولنگ باکس سے مسلم لیگ (ن) کی کامیابی کی گواہی مل رہی ہے جبکہ دھاندلی کا واویلا مچانے والے خود دھاندلی کرتے ہوئے رنگے ہاتھوں پکڑے گئے ہیں۔ مریم اورنگزیب نے زور دیا کہ کشمیر کے نوجوانوں کو بھی لیپ ٹاپس اور اسکالرشپس ملنی چاہئیں اور کارکنوں کو ہدایت کی کہ وہ 2 اگست کو آئندہ مرحلے میں وقت سے پہلے پولنگ اسٹیشنوں پر پہنچ کر ‘شیر’ پر مہر لگائیں۔ انہوں نے مزید کہا کہ آج عالمی سطح پر وزیراعظم شہباز شریف کو امن کے داعی کے طور پر دیکھا جا رہا ہے۔