نئے ایڈووکیٹ جنرل پنجاب بیرسٹر ظفر اللہ خان نے عہدے کا چارج سنبھال لیا

نئے تعینات ہونے والے ایڈووکیٹ جنرل پنجاب بیرسٹر ظفر اللہ خان نے اپنے عہدے کا باقاعدہ چارج سنبھال لیا ہے۔ ایڈووکیٹ جنرل پنجاب آفس پہنچنے پر لاء افسران نے ان کا پرجوش استقبال کیا، گلدستہ پیش کیا اور مبارکباد دی۔ اس موقع پر بیرسٹر ظفر اللہ خان نے دفتر کے تمام لاء افسران سے تعارفی ملاقات بھی کی۔ واضح رہے کہ بیرسٹر ظفر اللہ خان کی بطور ایڈووکیٹ جنرل پنجاب تعیناتی سابق ایڈووکیٹ جنرل امجد پرویز کا نام لاہور ہائیکورٹ کے جج کے طور پر منظور ہونے کے بعد عمل میں آئی ہے۔