پنجاب کے دریاؤں میں سیلابی صورتحال بہتر، پانی کا بہاؤ معمول پر آگیا

صوبائی ڈیزاسٹر مینجمنٹ اتھارٹی (پی ڈی ایم اے) پنجاب نے بتایا ہے کہ گزشتہ 24 گھنٹوں کے دوران صوبے کے دریاؤں میں پانی کے بہاؤ میں بتدریج کمی ریکارڈ کی گئی ہے اور بیشتر مقامات پر صورتحال معمول پر آ گئی ہے۔ ترجمان کے مطابق دریائے سندھ میں کالاباغ کے مقام پر 301,000 کیوسک اور تونسہ میں 385,000 کیوسک کے ساتھ نچلے درجے کا سیلاب موجود ہے، جبکہ دریائے راوی میں بلوکی کے مقام پر 63,000 کیوسک اور سدھنائی میں 53,000 کیوسک کے ساتھ نچلے درجے کی سیلابی صورتحال برقرار ہے۔ اس کے برعکس وزیرآباد نالہ پلکھو میں 4,000 کیوسک پانی کے ساتھ اونچے درجے کا سیلاب ریکارڈ کیا گیا ہے۔ ڈی جی پی ڈی ایم اے عمر میلہ کے مطابق بالائی کیچمنٹ علاقوں میں بارشیں رکنے کے بعد دریائے چناب سمیت دیگر دریاؤں میں طغیانی مسلسل کم ہو رہی ہے۔