کراچی: لاوارث لاشوں کا خوفناک انکشاف، 6 ماہ میں تقریباً 200 لاشیں برآمد
Web Desk
5 July 2026
روشنیوں کے شہر کراچی میں لاوارث لاشیں ملنے کے واقعات میں تشویشناک حد تک اضافہ دیکھنے میں آیا ہے، جہاں رواں سال کے ابتدائی مہینوں میں اب تک سینکڑوں لاشیں مل چکی ہیں، تاہم پولیس ان اموات کی وجوہات کا تعین کرنے میں تاحال ناکام نظر آتی ہے۔
ایدھی فاؤنڈیشن کی جانب سے جاری کردہ ہولناک اعداد و شمار کے مطابق، رواں سال جنوری سے اب تک شہر کے مختلف علاقوں سے تقریباً 200 لاوارث لاشیں برآمد ہو چکی ہیں، جن میں 13 خواتین بھی شامل ہیں۔ ان تمام لاشوں کی شناخت اور اموات کی حتمی وجوہات تاحال معلوم نہیں ہو سکیں اور نہ ہی ان کے پاس سے کوئی شناختی دستاویز ملی ہے۔ ایدھی فاؤنڈیشن نے بتایا کہ یہ لاشیں فٹ پاتھوں، ندی نالوں اور دریا کے کناروں، ویران جھاڑیوں اور خالی مکانات سمیت مختلف مقامات سے ملی ہیں۔ صرف جولائی کے ابتدائی چار دنوں میں مزید تین مردوں کی لاشیں ملنے سے صورتحال مزید سنگین ہو گئی ہے۔
ایدھی حکام کا کہنا ہے کہ ابتدائی خدشات کے مطابق بعض اموات کا تعلق منشیات کی زیادہ مقدار (اوور ڈوز) کے استعمال سے ہو سکتا ہے، تاہم سائنسی، فرانزک یا طبی بنیادوں پر ان کی موت کے اصل اسباب کا حتمی تعین ہونا ابھی باقی ہے۔ دوسری جانب، ان واقعات پر پولیس کی جانب سے تاحال کوئی باضابطہ مؤقف یا گہرائی سے کی جانے والی تحقیقات کی تفصیلات سامنے نہیں آئی ہیں، جس کے باعث شہری حلقوں میں شدید تشویش پائی جا رہی ہے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026