شہید رہبراعلیٰ کے خون کا بدلہ ضرور لیں گے، مشیر ایرانی سپریم لیڈر

ایرانی سپریم لیڈر کے مشیر محسن رضائی نے کڑے عزم کا اظہار کرتے ہوئے کہا ہے کہ شہید رہبرِ اعلیٰ کے خون کا بدلہ ہر قیمت پر لیا جائے گا، ایران ایک ناقابلِ شکست ملک ہے جبکہ صہیونی ریاست تیزی سے اپنے زوال کی طرف بڑھ رہی ہے۔

اپنے ایک بیان میں محسن رضائی کا کہنا تھا کہ ہماری تہذیب اور ہمارے عوام ناقابلِ تسخیر ہیں۔ اس کے ساتھ ہی انہوں نے ایرانی قوم کو متوجہ کرتے ہوئے خبردار کیا کہ ہمیں دشمن کی سازشوں ناکام بنانے کے لیے صرف اپنے اندرونی معاملات کے حوالے سے زیادہ ہوشیار اور بیدار رہنا ہوگا۔

دوسری جانب، میڈیا سے گفتگو کرتے ہوئے ایرانی آرمی چیف نے بھی سخت لہجہ اختیار کیا اور واضح کیا کہ شہید رہبرِ اعلیٰ کو نشانہ بنانے والوں کا گریبان کسی صورت نہیں چھوڑا جائے گا اور انہیں انجام تک پہنچایا جائے گا۔ ایرانی صدر مسعود پزشکیان نے بھی قوم سے وعدہ کیا کہ وہ شہید امام کے مشن اور ان کے افکار کو پوری قوت کے ساتھ جاری رکھیں گے۔

علاوہ ازیں، قدس فورس کے سربراہ جنرل اسماعیل قانی نے شہید رہبرِ اعلیٰ کو خراجِ عقیدت پیش کرتے ہوئے کہا کہ انہوں نے اپنی پوری زندگی عوام کی فلاح اور امت کے لیے جدوجہد میں گزاری۔ ایرانی نائب صدر نے بھی اپنے بیان میں زور دیا کہ شہید سپریم لیڈر کے احکامات اور ان کی تعلیمات پر عمل کرنا ملکی ترقی اور استحکام کے لیے حکومت اور عوام سمیت سب کی اولین ذمہ داری ہے