فلسطینی علاقوں پر قبضہ ختم ہونے تک اسرائیل سے تعلقات بحال نہیں ہو سکتے، مصر

مصر نے دوٹوک موقف اختیار کرتے ہوئے فلسطینی علاقوں سے مکمل قبضہ ختم ہونے تک اسرائیل سے تعلقات کی بحالی سے صاف انکار کر دیا ہے۔

مصر کے صدر عبدالفتاح السیسی نے اپنے ایک اہم بیان میں واضح کیا ہے کہ جب تک فلسطینی علاقوں پر ناجائز اسرائیلی قبضہ برقرار ہے، تب تک اسرائیل کے ساتھ تعلقات کسی صورت معمول پر نہیں آ سکتے۔ انہوں نے زور دیا کہ مشرقِ وسطیٰ میں اس وقت تک پائیدار امن قائم ہو سکتا ہے اور نہ ہی حقیقی استحکام آ سکتا ہے، جب تک ایسا منصفانہ امن قائم نہ ہو جو قبضے کا خاتمہ کرے، جاری جارحیت کو روکے، حق داروں کو ان کے بنیادی حقوق دلائے اور خطے میں سب کے لیے سلامتی کو یقینی بنائے۔

صدر عبدالفتاح السیسی کا مزید کہنا تھا کہ عوامی سطح پر بھی اسرائیل کے ساتھ تعلقات کی بحالی اسی صورت ممکن ہے جب فلسطین کا مسئلہ مستقل بنیادوں پر حل ہو۔ انہوں نے واضح کیا کہ مشرقِ وسطیٰ کے دیرینہ تنازعات کا واحد حل اسرائیل اور فلسطین کے درمیان ایک جامع اور منصفانہ امن معاہدے میں ہی مضمر ہے، کیونکہ صرف ایک منصفانہ امن ہی خطے کے تمام عوام کو مستقل امن، استحکام اور خوشحالی کے ساتھ زندگی گزارنے کا حقیقی موقع فراہم کر سکتا ہ