جاوید ہاشمی و مصطفی نواز کھو کھر کا بانی پی ٹی آئی کی سزا کی مزمت میں موقف

سینیٹر جاوید ہاشمی اور مصطفی نواز کھو کھر نے بانی پی ٹی آئی کی سزا کی سخت مزمت کرتے ہوئے کہا ہے کہ ملک میں جبر عروج پر پہنچ چکا ہے اور دی جانے والی سزا کی کوئی حیثیت نہیں ہے۔

جاوید ہاشمی نے کہا کہ سزا دینے کے نئے طریقے استعمال کیے جا رہے ہیں اور استثنی ماضی کے بجائے موجودہ حالات کے مطابق طلب کیا جا رہا ہے۔ انہوں نے ضیا الحق کے دور میں اسمبلی سے لیے جانے والے استثنی کے حوالے سے کہا کہ آج پہلی بار تاحیات استثنی لیا گیا، جو فاشزم والا راستہ اختیار کرتا ہے۔ ان کے مطابق آج کی سزا کی کوئی قانونی یا اخلاقی حیثیت نہیں ہے۔

جاوید ہاشمی نے مزید کہا کہ ملک میں زندگی نہیں ہے اور لوگ جیلیں بھرنے کے لیے تیار ہیں، “24 کروڑ عوام میں سے 20 کروڑ جیلوں میں جانے کے لیے تیار ہیں”۔ انہوں نے کہا کہ بانی پی ٹی آئی کو دی جانے والی سزا عوامی مقبولیت کو متاثر نہیں کر سکتی اور انہیں زیادہ دیر جیل میں نہیں رکھا جا سکتا۔مصطفی نواز کھو کھر نے کہا کہ بانی پی ٹی آئی مقبول رہنما ہیں اور دی جانے والی سزا کو قبول نہیں کرتے۔ ان کے مطابق ملک میں میڈیا پر پابندیاں عائد کی جا رہی ہیں، مطیع اللہ جان پر فرد جرم عائد کی جا رہی ہے، اور طارق جہانگیری کو جھوٹے مقدمات کے ذریعے ہٹایا گیا۔انہوں نے کہا کہ موجودہ نظام شہریوں کو غلام بنانے اور سیاسی جماعتوں کو رجمنٹ کے طور پر چلانے کی کوشش کر رہا ہے، اور یہی وجہ ہے کہ بانی پی ٹی آئی کی سزا کو تسلیم نہیں کیا جا سکتا۔