عالمی اور مقامی مارکیٹس میں سونے کی قیمت میں نمایاں کمی

عالمی اور مقامی مارکیٹس میں سونے کی قیمتوں میں نمایاں کمی ریکارڈ کی گئی ہے۔ آل پاکستان صرافہ جیمز اینڈ جیولرز ایسوسی ایشن کے مطابق مقامی صرافہ بازاروں میں فی تولہ سونا 1,800 روپے سستا ہو گیا ہے، جس کے بعد اس کی نئی قیمت 4 لاکھ 35 ہزار 636 روپے ہو گئی ہے۔ اسی طرح 10 گرام سونے کی قیمت میں بھی 1,543 روپے کی کمی دیکھی گئی، جس کے بعد نئی قیمت 3 لاکھ 73 ہزار 487 روپے مقرر کی گئی ہے۔ دوسری جانب عالمی مارکیٹ میں بھی سونے کی قیمت میں کمی کا رجحان رہا، جہاں فی اونس سونا 18 ڈالر سستا ہو کر 4 ہزار 96 ڈالر کی سطح پر آ گیا ہے۔