ایلون مسک کا ’لونر سٹی‘ منصوبہ، مستقبل کے تحفظ کیلئے چاند پر شہر بسانے کا اعلان

سپیس ایکس کے بانی اور دنیا کے امیر ترین شخص ایلون مسک نے اعلان کیا ہے کہ ان کی کمپنی مریخ کی بجائے چاند پر ’خودکار ترقیاتی شہر‘ (Lunar City) قائم کرنے پر فوکس کرے گی۔ مسک کے مطابق چاند پر شہر کی تعمیر مریخ کے مقابلے میں تیز، قریب اور عملی ہے کیونکہ چاند کے مشن ہر 10 دن بعد بھیجے جا سکتے ہیں اور سفر صرف 2 دن کا ہوگا، جبکہ مریخ کے لیے ہر 26 ماہ بعد لانچ ممکن ہوتا ہے اور سفر میں 6 ماہ لگتے ہیں۔

انہوں نے وضاحت کی کہ چاند پر منصوبہ میں AI، خودکار روبوٹس اور خلائی ڈیٹا سینٹرز استعمال ہوں گے، اور اس کا مقصد کم سے کم انسانی مداخلت کے ساتھ مضبوط بنیادی ڈھانچہ قائم کرنا ہے۔

مریخ پر شہر کی منصوبہ بندی ثانوی ترجیح کے طور پر برقرار رہے گی، اور عملی تیاری اگلے 5 سے 7 سال میں شروع ہو سکتی ہے۔ واضح رہے کہ امریکا بھی آرٹمیس پروگرام کے تحت 2028 تک چاند پر واپسی اور 2030 تک مستقل قمری اڈے کے قیام کا ہدف رکھتا ہے۔