بھارتی ریاست اترپردیشن میں بارش اورطوفان سے تباہی، 100سے زائد افرادہلاک

بھارتی ریاست اترپردیش میں خطرناک طوفان نے تباہی مچادی۔مختلف علاقوں میں ہلاک ہونے والوں کی تعداد100 سےتجاوز کرگئی۔جبکہ تعدادمیں اضافے کا خدشہ ظاہر کیاگیاہے۔

میڈیا رپورٹس کے مطابق ہلاکتیں شدید طوفان، بارش اور آسمانی بجلی کے باعث ہوئیں جبکہ درجنوں زخمی ہیں۔

بھارتی حکام کے مطابق تیز ہواؤں نے درخت، بجلی کے کھمبے اور بل بورڈز گرا دیے، جبکہ کئی مکانات بھی منہدم ہوئے۔

سب سے زیادہ متاثرہ علاقوں میں فتح پور، بریلی، پریاگراج اور بھدوہی شامل ہیں۔ امدادی ادارے متاثرہ علاقوں میں ریسکیو اور بحالی کا کام جاری رکھے ہوئے ہیں۔

بھارتی محکمہ موسمیات نے مزید خراب موسم، تیز ہواؤں اور ژالہ باری کا الرٹ بھی جاری کیا ہے۔