تیل کی عالمی قیمتیں جلد تیزی سے نیچے آجائیں گی، امریکی وزیرخزانہ

امریکی وزیر خزانہ اسکاٹ بیسنٹ کہتےہیں تیل کی ترسیل میں تعطل ہوتا رہتا ہے۔ آبنائے ہرمز کی بندش عارضی معاملہ ہے جس سے قیمتوں میں بڑا اضافہ ہوا ہے۔

امریکی وزیر خزانہ نے صدرٹرمپ کے ساتھ دورہ چین کے دوران ایک انٹرویومیں اس امید کا اظہار کیا کہ چین آبنائے ہرمزدوبارہ کھلوانے کے لیے کردار ادا کرے گا کیونکہ چینی معیشت بڑی حد تک خلیجی تیل پر انحصار کرتی ہے۔

اسکاٹ بیسنٹ کاکہناتھاکہ  آئندہ آنے والے مہینوں میں عالمی منڈی میں تیل کی قیمتیں بہت تیزی کے ساتھ نیچے آ جائیں گی کیوں کہ ترسیل میں یہ بگاڑ بھی عارضی ہے۔

انہوں نے مزیدکہاکہ امریکا ریکارڈ سطح پر تیل پیدا کر رہا ہے،ہم مسلسل پمپنگ جاری رکھیں گے جس کے نتیجے میں توانائی کی قیمتوں اور مہنگائی دونوں میں کمی آئے گی۔

انہوں نے مزید کہا کہ عالمی منڈی میں موجود بے یقینی عارضی ہے اور جیسے ہی سپلائی کے راستے معمول پر آئیں گے۔ قیمتوں میں دباؤ کم ہونا شروع ہو جائے گا۔